大喜

好感動的一件事！就係琴日上中文堂既時候呀，上上下，上上下，
就泥要落堂既時候，中文老師楊丹突然問我：「葉天朗，你是否很喜歡森美？」（國語）
於是我自然反應就答：「呀！對呀！我很喜歡他呢！」
於是佢說唔知係邊度攞出一張野出泥，係森美既簽名呀！！！
十分驚訝點解佢會比呢個我，又好奇怪佢點見到佢，
佢話：「昨天我出席性工作者的首映禮看到他於是我知道你很喜歡他然後我就替你拿了。你看，有你我名字啊！」
對呀！真係有埋我個名，實在太高興了！！估唔到佢就算去睇首映都會諗起我呢！感動。

社會敗壞鞋

唔知有幾多人有呢類鞋，我每次見到呢類鞋我都想講粗口，有身邊人著更會痛罵佢一番。
點解？哈
首先講明一點，我唔反對你加件爛背心咁踢著呢對野落街，但其他場合就要@#&*^$#^*&一番。
因為好核突。一舊咁既膠著上自己腳真係唔荒唔膠，仲要係唔適當場合著住就真係...

有冇見過有Ｄ人著到上身OK有少少配襯但望落去竟然係舊膠？
呢個係心理問題。著涼鞋既人係懶，但有自知之名，佢地知醜。
但呢類鞋有少少color睇落有少少“design“ 既　面油鞋，令人以為可以當正常鞋著，
佢地既心理係：哇！又涼又有design wor~好colorful ar！咁以後著呢對啦~"
你個頭就colorful！ 
就係呢pat膠令一堆　春夏秋冬食飯去飲去喪禮去拜年去街拍拖打波見工上堂搭車行山　都著涼街既麻甩佬
以為著呢對鞋會文雅Ｄ, 因此佢地　春夏秋冬食飯去飲去喪禮去拜年去街拍拖打波見工上堂搭車行山
都著呢對鞋，唔該檢討下。著還著，千祈唔好咁諗!!　

點解我係topic度叫佢做社會敗壞鞋，就係佢既方便令人唔識再做任何配塔and then懶懶懶!!!
真係社會敗壞，經濟差唔好鬧人，鬧班懶人，鬧班拖慢社會進步既人。

The spotlight turns to notebooks

蘋果呀，我今次真係對你又愛又恨呀！

只係個幾月前我購入了我的小白（macbook, 名字我改的）
點知你下星期又要major upgrade, 真係唔知講乜好呀。
不過，我又唔會太唔開心既，畢竟我購入小白時，我部祖先電腦真的跪低了。
（發現一點：我之前勁炒windows, 後來發現原來過往三部機都係HP, 有可能係hp問題，唔可全怪windows. )
感激係Apple 既機design 係 timeless 的，無論十年後小白都唔會太out. 
祝福新notebook大賣，新機可能唔再叫macbook
呢一杯羹唔倫到我了。但自覺自己的macbook可愛依然。

我既新歌 《我不愛他》

大家好，多得大家支持，又有新歌了！

　時下年青人既感情真係太混亂，係呢個時候，不如聽聽我情深既情歌吧
呢首歌係表達年青人感情上既交錯，你愛我但我不愛你，他愛佢但我又愛佢，
Everything are complicated. 

曲詞編監都係我。唔好懶click link就唔聽，呢首歌係有深度的，
我自己都感動了，望你地以心傾聽。我的心血

想download? 有link:http://rapidshare.com/files/149381370/__25105___19981___24859___20182_.mp3.html

你同我都係大話精

＊本文含粗口，用法只屬引用，敬請注意＊

　　好耐冇update, 原因係我重質不重量（呢個都係一個大話，其實就係太忙....）　　

講大話既意思主要係故意講一D假既野，帶貶義成份。一個正常人每日大概會講106個大話。
但係，總有Ｄ人會話自己係重來唔講大話既，咁既話，呢個己經係一個大話。
其實，論大話既，唔一定係衰仔，唔一定係仆街仔，係街上成身西裝既可能講最多。

　　有時候，大話講左，自己唔一定知。以師奶做個example，　
「哇，陳太，你個仔好叻喎~」，但心諗　妖！你個仔蠢過頭豬，
但禮貌上點都要讚，唯有講大話。某程度上，講大話＝有禮貌。

　　又或者，大話係聽一個人講，第二個都係咁講，於是第三個就順勢跟住廢up。
例如，「你廋左喎！」，　第二個又講「係喎！」，　第三個講「我都覺得好似係。」
明顯第三個開始己經係冇經過大腦思考，呢Ｄ都係大話，最頂廢果種。

　　有好多時候，粗口係大話，「我實屌染你！」，呢個係貨車司機聽得多，
但實質有冇做到先？冇？　哎，又係大話

有時，大話係好笑的，琴日的講左兩個。
琴日冇帶ＰＥ３，問羅祖借，Maggie 見到，問我點解著呢件。
我答，「係呀，底庫都係佢架」　再話，你估男仔日日要著低庫咩，大把人日日唔著啦！」
佢信到十足，哈，真係蠢得可愛。
　　又同我地既vice house cap 高朗講。
「你知唔知如果楊丹突然摑你即係點？」
「佢點會呀？」，佢回答。
我話：「我以前做House Captain時，楊丹成日無端端行過就摑我，於是我咪反省囉！」
我再問佢「如果楊丹突然行過摑你即係點呀？」
「反省我既過錯。」

哈哈，真係單純。

macbook終於到囉，　感覺真係超爽，　ＣＯＯＬ爆！！雪白機身既引誘真係無法抵擋，

真係未用過一部咁爽既機，　個ＯＳ好智能，　完全唔洗勞氣，　
介面超靚，　淨望都爽，　ＲＵＮＮＩＮＧ　快，　無得彈。
ＷＩＮＤＯＷＳ？咩泥架？打字機泥架？

一切都改變了

今日第一日返學, 就比新校長發現我染髮, 要搞番黑
走入幾乎冇朋友既HW班, 實在係失落. 
班主任係Dereck Wong 同一個新泥既英文老師, 好悶. 悶到死氣沈沈果隻. 
唉, Dereck講野又悶, 全班好冇Spirit, 一粒聲都冇, 好似比人鬧咁, 個氣氛好死. 
分中, 英班, 係就係分, 不過唔係跟程度分, 真係整鬼佢. 中文都同高朗一班, 唉....
英文peason(唔識串) 教, 唔知點解冇靴屎教咁casual, 好在羅祖坐我隔離. 
中史可能係最好, 起碼上中史時D人唔係啞的. 

突然好掛著既SW, 掛住一返到去拋低書包就坐上 木台 hea, 將垃圾拋泥拋去, 
然後再坐上龍哥張椅度, 飛泥飛去, 到龍哥返泥時, 扮唔知咁比返張椅佢. 
又會聽著李銘倫講粗口, 到龍哥返泥, 全班就擦佢鞋咁拍手, 激下佢, 佢嬲, 嬲又笑咁, 幾好玩. 
上上下dear堂大叫, 佢大叫收聲, 真過引. 不過而家恐怕唔可以囉, 因為全班都好靜, 
唉...好掛住上乜野堂都hea下hea下既日子, 咁樣先會有好成績, 有學習氣氛, 
今年大計: 焗住讀書....
睇返上年SW既相, 個個都好開心, 但而家越睇越懷念, 呢D日子唔可能再有了. 

Come on, HW. Make some noise, 就算係比人鬧都整D聲出聲啦. 好似SW對龍哥咁就係喇.
岩岩聽住 夕陽無限好, 我知道唔可以繼續聽落去, 所以禁停了. 歌詞好似針一樣咭入泥. 

今天看到的...一點一滴

既然寫過咁多唔係好關自己事既野, 今日就寫下我今日係屋企見到D乜啦! 

見到窗外既裝修工人咁樣係半空, 好佩服, 因為呢度高58層, 我自己係屋企望落去都驚. 

發覺自己已經有三部ipod物體了.

陳奕迅既新碟, 係精選. 得兩隻新歌, 一隻好聽, 一隻唔好聽. 一隻remix, 好鍾意. 有D擔心佢今年仲有冇金獎. 

唔知邊個派垃圾上我屋企, 唔環保, 又冇作用. 


今日係暑假最後一日, 寫意既一日. 

永遠懷念 王曉龍

好多人blog寫分班既野, 寫點唔開心發. 雖然唔開心係有D, 但我堅決唔寫, 因為太行. 今日, 我要歌頌龍哥. 

王曉龍 生於 1977年, 終於 2063年. 身任SW班主任, 曾以其老套行為 (如叫全班唱校歌, 排隊一個鐘等)將Miss Shum趕走. 我其實非常鍾意呢個班主任的. 

後來比SW班日日激鬼氣, (如 上堂掟野, 突然大聲唱歌同尖叫等)
唉, 其實龍哥要走都係意料中事 大佬, 諗返上年, 都知SW班有D過哂火, 
有時佢地要玩龍哥我都唔忍心 (但都有玩..) , 最後佢終於比我地激走左, 比著我都會...
但不得不多謝龍哥呢個好老師比左我地好多娛樂同比左個中史全級第二我, 多謝. 

大陸的洗腦廣告

有時候跟大人去大陸, 打下波, 按下摩, 食下野咁. 無論係邊度, 總會有電視機既出現,

只要你冇盲冇聾冇眼罩既話, 都會睇到佢地所謂既"電視節目",

由於政治敏感既關係都冇乜時裝片, 做泥做去都係古裝片, 

一年起碼做10套鹿頂記個肺, 13套哪渣宰, 200萬套三國眨義等,

不過令我最難忘既, 都係佢地洗腦既廣告.

相信你睇過上面個片, 呢期奧運, 讚助商自然有好多廣告, TVB都帶過我地''去''過好多 (好, 我地去一去廣告先),

但睇完上面大陸既廣告, 你有乜感覺? O嘴了對吧?

係大陸, 你會睇到一個好老套既廣告, 睇完你會媽媽叉叉, 但實情係節目同節目之間一個廣告會有3次既播放幾會,

你可能已經用一個單字回應, 但班面油佬會講: (國語) "怎麼了? 我有的是錢, 你吹呀?"

由於大陸電視台頻道過多, 落廣告既費用都相對平. 最終換泥 "@$%#&#$%^*^^%$%##^#"

洗腦就係唔理你鍾唔鍾意, 總之要你記住佢個名, 好似做到上面果個咁出樣都係第一次見.

如果班大陸人對廣告對市場既要求就只係咁既話, 咁我諗佢地已經達到左.

但果D唔係廣告, 係催化劑. 恐怕大陸對美感同設計既慨念一世都離唔開 "炒襲" 同 "重複". 失敗.

睇多一個, 又係搵班細路狂up個 product名, 仲有, 個肥仔個髮型係乜野意思??

Blog的意義 (終極更新版) | donip222\'s Xanga Site - Weblog

Blog的意義 (終極更新版) | donip222's Xanga Site - Weblog

Posted using ShareThis

我諗我係傻的.

可能我係痴線的, 真係痴到放片上youtube果個地步, 
更喪既就係竟然排Youtube HK 第56 Most view, 死喇, 我係唔係傻的, 
問題就係睇既人都係傻的...............................
可能以後要用青山既電腦寫野囉...

點傻法? www.youtube.com/donip222

睇住一條片先...

蘋果, 不只是電腦

首先, 見到呢個蘋果你會諗起D乜? 
唔使講, iPod, iPhone, iMac...等等既字眼已經浮現左係腦中. 
但其實唔只. 佢係一個Style, 今日主要想比大家睇下世界各地既Apple Retail Store, 
睇下佢地既特色. 

^岩岩睇過既係蘋果既旗艦店, 位於美國紐約. 佢唔係一大座乜乜炒孖展炒死人銀行80層咁雄偉. 
但佢同周邊既石屎大廈有強烈既對比, 因為佢係成棟用玻璃起, 係一個利用環境既好例子. 
明顯地佢既核心就係地底. 呢個簡潔而搶眼既計設令人行過都想入去, 
仲有, 佢簡單得泥又唔會缺少Hi Tech既氣味, 不愧係旗艦店! 繼續->

^然後呢間係Sydney既. 佢雖然係受商業大廈所商限, 但係佢個設計都係非常有性格的, 

我親身去過呢度, 個feel好cool, cool得滯. 

  ^然後到大家都好鍾意既日本, 東京, 西武, 依然型仔!

^以上既所選既都係加洲同其他美國國內既國加, 佢地體積不大, 但係唔會失左個style, 
留意佢地選址, 四圍既店鋪都唔會好花雜, 以免影響個style. 

^ 英國倫敦既總店係最例外既一間, 佢係一座英式古典建築度建立, 

個感覺同之前好大分別, 外classic 內modern, 勁既就係古典同現代元素配合得非常好. 

^最後係我地北京 三里屯既旗艦, Design一D都唔話得, 剛剛開幕. 
算你地執到, 好好珍惜啦, 中國人. 唯一希望同胞唔好係入面吐痰同大聲講野. 

好多人會問點解香港冇一間大店, 但其實一間Apple Store條件係:
- 地鋪(面向市面)
- 唔煩雜既四周
- 甚至起一棟大廈, 但又唔要好高. 
如果真係起一棟野, D乜乜環保團體又會出泥裸跑, 真煩. 
加上mac機係香港未算咁多人用, 雖然係增長緊, 因為vista出現令好多人轉用mac
到有一定市場既時候, 香港自然會有一間. 

post咁多, 留個言比我嘆下呢..

我們的催眠曲

暑假既中閱讀報告, 個list入面有既唔係有陳法拉個胸pad咁厚既經典名著, 
就係仲洗腦過''旺旺''廣告既道理王系列. 畢竟, 陳法拉個胸pad實在太厚, 不敢冒犯. 都係旺旺啦...

哇大佬呢本野簡直係迷藥咁悶, 一打開佢就好似比人扑暈咁, 失去知覺, 然後死去, 再投胎, 做左隻豬?
發夢發到唔對路, 醒左! 又要捱... 如此類推. 

佢係講有個學生知道佢個教授有絕症, 然後個個星期二去探佢, 講所謂既道理. 
成本書就係咁, 真係就係咁. 咁就一本書, 你話死唔死? 唔信咁悶?
我節錄D內容比你睇:

''墨瑞'' ''怎麼了?'' ''沒什麼,'', ''你今天好嗎?'' ''我...'' ''吃點東西吧.'' ''人生的道理是什麼?'' ''唔...這個...''
''就是追求物質嗎?'' ''這個...'' ''米奇, 為什麼樹上的鳥兒會唱歌?'' ''因為...'' ''是因為牠們是鳥兒.'' ....................

哇, 真係比佢搞到訓著. 我知道好多人都睇呢本書, 夠膽就係book report鬧佢, 呢個我做了. 一齊鬧臭吧!

我們的催眠曲

暑假既中閱讀報告, 個list入面有既唔係有陳法拉個胸pad咁厚既經典名著, 

就係仲洗腦過''旺旺''廣告既道理王系列. 畢竟, 陳法拉個胸pad實在太厚, 不敢冒犯. 都係旺旺啦...

哇大佬呢本野簡直係迷藥咁悶, 一打開佢就好似比人扑暈咁, 失去知覺, 然後死去, 再投胎, 做左隻豬?
發夢發到唔對路, 醒左! 又要捱... 如此類推. 

佢係講有個學生知道佢個教授有絕症, 然後個個星期二去探佢, 講所謂既道理. 
成本書就係咁, 真係就係咁. 咁就一本書, 你話死唔死? 唔信咁悶?
我節錄D內容比你睇:

''墨瑞'' ''怎麼了?'' ''沒什麼,'', ''你今天好嗎?'' ''我...'' ''吃點東西吧.'' ''人生的道理是什麼?'' ''唔...這個...''
''就是追求物質嗎?'' ''這個...'' ''米奇, 為什麼樹上的鳥兒會唱歌?'' ''因為...'' ''是因為牠們是鳥兒.'' ....................

哇, 真係比佢搞到訓著. 我知道好多人都睇呢本書, 夠膽就係book report鬧佢, 呢個我做了. 一齊鬧臭吧!

特務S嘜

   

講返尋日套Get Smart. 

  佢故事主要係講係一個特務既聯盟入面派左一男一女去擊破一個犯罪集團,

期間兩個一齊去查一個核能研發廠, 整個過程都係又緊張又爆笑. 而兩個從中亦產生左深厚既感情. 

咁之後個男主角比人老屈話佢係間碟, 要坐監. 咁之後又heheheahea咁走返出泥. 

係收音機又聽到一段查案既題示, 咁於是又heheheahea咁破左案...

  成個故事簡單到爆, 但係好鬼爆笑, 笑冇停過, 好耐冇睇過可以笑咁多次既戲, 

真係好! 佢D搞笑手法乜都有, 例如動作: 佢有同大肥婆跳舞, kiss嘴就可以令敵人靜止等等, 

真係笑死我!! 咁當然好笑既野當然係少少咸, 卜卜硊架啦! 卜卜卜!

例如避紅外線時既動作, 拖個肥佬出泥既動作等等, 

笑到爆谷都爆開, 氣水都冇氣!

我好欣賞呢套戲可以同是笑爆連場又唔會冇左特務片果種緊張, 所以佢好好睇!

睇完出泥個心情係輕鬆的, 唔似batman睇完好似去完喪禮咁, 兩套都好睇, 手法唔同, 

你地又鍾意邊種多D? 

由於太耐冇睇搞笑野, 所以呢套野十分我比八分! 讚!

Welcome to my place

               Hi, that's me.  A male, full name Donip

          Being a college student at HKUGAC, well~ Nothing all. 

          Know little bit of tennis,ski, piano and sax.